Пакьяо қайта оралады: 46 жастағы аңыз чемпионмен жекпе-жек өткізеді
Фото: Reuters
Даңқты боксшы Мэнни Пакьяо төрт жыл үзілістен кейін кәсіпқой рингке қайта оралмақ. Ол 19 шілде күні жартылай орта салмақтағы WBC белбеуінің иесі Марио Барриоспен жұдырықтасады.
46 жастағы филиппиндік бұл шешімін жанкүйерлерге тағы бір шоу сыйлағысы келетінімен түсіндірді. Ол әлі де мықты екенін дәлелдеуге дайын екенін айтты.
«Барриос — мықты қарсылас, чемпион. Бірақ Пакмен не істей алатынын сіздер білесіздер. Біз әдемі бокс көрсетіп, көрерменді қуанта аламыз», — деді Пакьяо PBC эфирінде.
Айта кетейік, ол соңғы рет 2021 жылдың тамызында шаршы алаңға шығып, кубалық Йорденис Угасқа ұпай санымен жол берген еді.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
Алдыңғы мақала:
Данилина жұптық сында ширек финалға жолдама алдыКелесі мақала:
Бекзат Алмаханның нокауты UFC-де мамыр айының үздігі атанды