«Странджа» турнирінде қазақстандық бауырлар арасындағы жекпе-жек өтпеді
Софияда өтіп жатқан «Странджа»-2026 халықаралық бокс турнирінде Нурлан мен Даниял Сапарбай арасындағы қазақстандық дерби жекпе-жегі өтпей қалды, деп хабарлайды Pin-UpSport.kz. Айқас 90 килограмнан жоғары салмақ дәрежесінің 1/8 финалы аясында жоспарланған еді.
Қазақстан бокс федерациясының баспасөз қызметі таратқан мәліметке сәйкес, Даниял Сапарбай жекпе-жекке шығудан бас тартқан. Осыған байланысты Нурлан Сапарбай автоматты түрде ширек финалға жолдама алып, ал оның ағасы турнирдегі өнерін аяқтады.
«Странджа»-2026 турнирі Болгария астанасында өтіп жатыр және 1 наурызға дейін жалғасады. Бұл жарыс дәстүрлі түрде әуесқой бокс әлеміндегі беделді халықаралық додалардың бірі саналады.
Қазақстан құрамасы турнирге 39 спортшымен қатысуда. Оның 19-ы ерлер, 20-сы әйелдер құрамасында. Бірқатар салмақ дәрежелерінде ел намысын бірден бірнеше боксшы қорғайды.
Айбар Рысдаулет
Қазақстандық таеквондошылар Болгариядағы турнирде сынға түседі
Александр Бублик Дубайдағы ATP-500 турниріндегі жарысын аяқтады