Әлімханұлы әлемдік кеште жұдырықтасуы мүмкін
Фото: janibek_alimkhanuly/Instagram
Орта салмақта IBF және WBO тұжырымдары бойынша әлем чемпионы Жәнібек Әлімханұлы Канело Альварес пен Теренс Кроуфордтың қатысуымен өтетін дүбірлі бокс кешінің андеркард тізіміне енуі мүмкін, деп хабарлайды Pin-Upsport.kz.
Жекпе-жек 13 қыркүйекте Лас-Вегаста өтеді. Турнирдің көрсетілімін Netflix ұйымдастырады.
Шараның бастамашысы – аты белгілі инвестор Тұрки Әл Әш-Шейх. Ол әлеуметтік желіде бұл айқасты «бокстағы ең үлкен кездесу» деп атап, кештің бағдарламасы жасақталып жатқанын мәлімдеді. Ұйымдастырушылар рингке шығуға ниетті спортшылармен келіссөз жүргізуге дайын.
ESPN журналисі Сальвадор Родригес Жәнібек пен орта салмақтағы WBC чемпионы Карлос Адамес арасындағы кездесуді кеш бағдарламасына қосуды ұсынды. Оның сөзінше, жанкүйерлер «Kazakh Style» мен «Bronco» айқасын көргісі келеді.
Ал Адамес бұл ұсынысқа бейжай қарамай, әлеуметтік желідегі жазбасында «Канело мен Кроуфорд кешіндегі үздік ко-мейн ивент қандай болуы керек?» деп сұрап, өзінің де бұл шоуға қатысуға дайын екенін аңғартты. Кешті UFC басшысы Дана Уайт ұйымдастырады.
Айбар Рысдаулет
Қазақстандық қақпашының нарықтағы бағасы екі есе өсті
Табысты маусымнан кейін «Кайрат» бапкерімен қоштасты