Мейірім Нұрсұлтанов Жәнібек Әлімханұлымен жұдырықтасуға дайын екенін мәлімдеді
Мейирим Нурсултанов. Фото: meiirim.nursultanov/Instagram
Қазақстандық боксшы Мейірім Нұрсұлтанов WBO және IBF чемпиондық белбеулерінің иегері Жәнібек Әлімханұлымен мүмкін болатын жекпе-жек жайлы пікір білдірді. Ол бұл туралы «Бірінші Бол» YouTube арнасына берген сұхбатында айтты.
«Бәріміз чемпиондық үшін келдік. Егер тағдыр солай жазып, қарсылас болсақ – дайынмын. Алдымен чемпион болу керек, одан кейін абсолют чемпиондық үшін жұдырықтасу қажет. Егер мен WBC белбеуін жеңіп алсам, Әлімханұлымен айқасудан қашпаймын. Бұл – қазақ боксының деңгейін көрсететін үлкен жекпе-жек болар еді», – деді Нұрсұлтанов.
Еске сала кетейік, бұған дейін WBC ұйымы қазіргі чемпион Карлос Адамеске белбеуді міндетті түрде қорғау үшін Нұрсұлтановпен кездесу өткізуді тапсырған болатын. Сонымен қатар Әлімханұлы да Адамеспен үш белбеуге таласатын кездесу өткізуге келіссөз жүргізіп жатыр деген ақпарат тараған.
Айбар Рысдаулет
Каршыға Даутбек American Top Team командасына қосылды
Қазақстанда ең танымал спорт түрі белгілі болды