Алты қазақстандық бұрымды боксшы Странджа кубогының жартылай финалына өтті
Болгарияның София қаласында бокстан Странджа кубогы өтіп жатыр.
Әйелдер арасында өткен ширек финалдық бәсекелердің нәтижесінде алты отандасымыз турнирдің финалына шығу үшін бақ сынайды.
Атап айтсақ, Әнел Сақыш, Элина Базарова (54 келіге дейін), Лаура Есенкелді (65 келіге дейін), Валентина Хальзова (75 келіге дейін), Валерия Аксенова және Дина Исламбекова (80 келіден жоғары) кемінде қола жүлдені қамтамасыз етті.
80 келіге дейінгі салмақта Надежда Рябец жеребенің нәтижесінде тікелей финалға өтті.
Ал Әйгерім Сәттібаева, Әнел Құдайберген (48 келіге дейін), Жайна Шекербекова (54 келіге дейін), Ұлжан Сәрсенбек (57 келіге дейін), Римма Волосенко, Виктория Графеева (60 келіге дейін), Бақыт Сейдіш, Мадина Нұршаева (70 келіге дейін) және Мария Сидоренко (75 келіге дейін) турнирді 1/4 финалда аяқтады.
Айта кетейік, 27 ақпанда ерлер құрамасы ширек финалда сынға түседі.
Айбар Рысдаулет
Чемпиондар лигасының 1/8 финал жұптары анықталды
Қайрат Боранбаев «Қайраттағы» жалақы жүйесі туралы айтты