Адамес пен Нұрсұлтановтың айқасы жазда өтеді
Мейирим Нурсултанов. Фото: Alamy Live News
Орта салмақтағы (72,6 кг дейін) WBC тұжырымы бойынша әлем чемпионы, доминикандық Карлос Адамес (24-1-1, 18 КО) қазақстандық үміткер Мейірім Нұрсұлтановпен (20-0, 11 КО) міндетті қорғау жекпе-жегін өткізуі тиіс, деп жазады vRINGe.com. Мұндай шешімді ұйым ақпан айында, Адамес пен британдық Хамза Шираз арасындағы тең нәтижелі кездесуден кейін қабылдаған.
Алғашында қос тарапқа келісімге келу үшін 6 мамырға дейін уақыт берілген еді, бірақ уағдаластыққа қол жеткізу мүмкін болмады. Соған қарамастан, кеше өтуі тиіс промоутерлік сауда өтпей қалды.
Жағдайды саралаған WBC келіссөздер мерзімін ұзартты. Қазіргі таңда келіссөздер дұрыс арнаға түсіп жатқан көрінеді. Күтіліп отырғаны — жақын күндері келісім жасалып, жекпе-жек жаздағы Premier Boxing Champions шоуларының бірінде өтеді.
Айбар Рысдаулет
«Астана» Еурокубоктен шеттетілуі мүмкін
Магомед Адиев: Қазақстан құрамасына оралуым мүмкін