Жозе Моуринью «Реалға» қайта оралуы мүмкін
Португалиялық маман Жозе Моуринью мадридтік «Реалға» қайта келуге жақын, деп хабарлайды Pin-UpSport.kz COPE басылымына сілтеме жасап. Дереккөз мәліметінше, бапкердің тағайындалғаны маусым аяқталғаннан кейін ресми жариялануы мүмкін.
Моуринью бұған дейін «Реалды» 2010 жылдан 2013 жылға дейін жаттықтырған. Сол кезеңде мадридтік клуб Испания чемпионатын, ел кубогын және Суперкубокты жеңіп алған еді.
2025 жылдың жазынан 2026 жылдың қаңтарына дейін команданы Хаби Алонсо басқарды. Ол кеткеннен кейін бас бапкер міндетін Альваро Арбелоа атқарып келеді. Қазіргі уақытта Моуринью португалиялық «Бенфиканы» жаттықтырады.
Португалиялық маманның жетекшілігімен «Бенфика» барлық турнирде 43 матч өткізіп, 26 рет жеңіске жетті. Сонымен қатар команда тоғыз рет тең ойнап, сегіз матчта жеңілді. Қазір «Реал» Ла Лига турнирлік кестесінде 77 ұпаймен екінші орында тұр.
Айбар Рысдаулет
«Ахматта» Самородов пен Кенжебектің болашағына қатысты мәлімет айтылды
Анна Данилина Римдегі WTA 1000 турнирінің екінші айналымына шықты