Transfermarkt ӘЧ-2026 қорытындысы бойынша футболшылардың бағасын жаңартты
Transfermarkt порталы ӘЧ-2026 турнирінен кейін футболшылардың трансферлік құнына арналған арнайы жаңартуды жариялады, деп хабарлайды Pin-UpSport.kz.
Әлем чемпионатынан кейінгі жаңарту 99 футболшыны қамтыды. Бірде-бір ойыншының нарықтық құны төмендеген жоқ – тізімге тек турнирде өзін жақсы қырынан көрсеткен футболшылар енгізілді. Жаңартудың басты нәтижесі – Эрлинг Холанд пен Ламин Ямаль әлемдегі ең қымбат футболшылар атанды. Екеуінің де трансферлік құны 220 миллион еуроға жетіп, Transfermarkt тарихындағы жаңа рекорд орнатты.
Әлемдегі ең қымбат ойыншылар тізімінде үшінші орында Франция құрамасының шабуылшысы Килиан Мбаппе тұр. ӘЧ-2026-ның үздік сұрмергенінің бағасы 200 миллион еуроға дейін өсті. Сонымен қатар Пау Кубарси, Энцо Фернандес, Эллиот Андерсон және Морган Роджерс алғаш рет құны 100 миллион еуродан асатын футболшылар қатарына қосылды.
Ең жоғары пайыздық өсімді Кабо-Верде құрамасының 40 жастағы қақпашысы Возинья көрсетті. Оның трансферлік құны әлем чемпионатындағы сәтті ойынынан кейін он есеге артып, 50 мың еуродан 500 мың еуроға жетті. Посткеңестік елдер арасынан Өзбекстан құрамасының қорғаушылары Жахонгир Урозов пен Бехруз Каримов, сондай-ақ Мәскеудің «Динамосы» мен Парагвай құрамасының қорғаушысы Хуан Касерес қымбаттады. Transfermarkt бұл жаңарту тек әлем чемпионатында көзге түскен футболшыларға ғана қатысты екенін атап өтті.
Айбар Рысдаулет
ФИФА ӘЧ-2026 турнирінің символикалық құрамасын жариялады
Мексика футболының аңызы мансабын аяқтады