«Челси» маусым алдындағы соңғы жолдастық матчын жариялады. Сәтбаев өз алаңындағы дебютін өткізуі мүмкін
Лондонның «Челси» клубы жаңа маусым алдындағы соңғы жолдастық матчын ресми түрде жариялады, деп хабарлайды Pin-UpSport.kz.
15 тамыз күні «Стэмфорд Бридж» стадионында Хаби Алонсоның командасы Испанияның «Реал Сосьедад» клубын қабылдайды. Кездесу Қазақстан уақытымен сағат 18:00-де басталады. Бұл ойын «Челси» үшін Англия Премьер-лигасының жаңа маусымы алдындағы соңғы дайындық кездесуі болмақ.
Бұл матч Хаби Алонсо үшін де ерекше мәнге ие. Испаниялық маман алғаш рет «Челсидің» бас бапкері ретінде «Стэмфорд Бриджде» жанкүйерлер алдында командасын алаңға бастап шығады. Бір қызығы, дәл осы «Реал Сосьедад» клубында Алонсо кәсіби мансабын бастап, команда капитаны атанып, Испания чемпионатының күміс жүлдесін жеңіп алған.
Сондай-ақ бұл кездесу 17 жастағы қазақстандық шабуылшы Дастан Сәтбаевтың «Челси» сапындағы өз алаңындағы алғашқы ойыны болуы мүмкін. Клуб матч күні жанкүйерлерге жаңа бас бапкер мен команданың жаңа ойыншыларын ресми түрде таныстыратынын хабарлады. Дастан Сәтбаев Лондон клубына шілде айының басында алматылық «Қайраттан» ауысқан болатын.
Айбар Рысдаулет
«Манчестер Сити» ӘЧ-2026 үшін ФИФА-дан рекордтық өтемақы алады
Дмитрий Биволдың келесі жекпе-жегінің өтетін күні белгілі болды