«Ахматта» Самородов пен Кенжебектің болашағына қатысты мәлімет айтылды
Максим Самородов. Фото: samorodov_10_
Спорт инсайдері Эльдар Аманбаев грозныйлық «Ахматтағы» өзгерістер мен Қазақстан құрамасының футболшылары Максим Самородов пен Ғалымжан Кенжебектің болашағы туралы пікір білдірді, деп хабарлайды Pin-UpSport.kz.
Дереккөз мәліметінше, Ресей клубы жазғы трансфер кезеңінде жартылай қорғау шебін айтарлықтай өзгертуді жоспарлап отыр. «Ахмат» басшылығы Максим Самородов пен команда капитаны Лечи Садулаевты тиімді бағаға сатуды қарастырып жатыр.
Осындай өзгерістер аясында Ғалымжан Кенжебек үшін үлкен мүмкіндік ашылуы мүмкін. Жақында қазақстандық футболшы Ресей Премьер-лигасындағы алғашқы голын соғып, махачкалалық «Динамомен» өткен матчта командасын жеңілістен құтқарып қалған еді. Келесі маусымда Кенжебек негізгі ойыншылардың біріне айналуы мүмкін деген болжам бар.
Қазіргі маусымда Ғалымжан Кенжебек «Ахмат» сапында барлық турнирде алты матч өткізіп, бір гол соқты. Ал Максим Самородов 33 кездесуде бес гол мен тоғыз нәтижелі пас авторы атанды.
Айбар Рысдаулет
Лас-Вегас 2027 жылғы күрес түрлерінен әлем чемпионатын қабылдайды
Жозе Моуринью «Реалға» қайта оралуы мүмкін