«Астана» ойыншысы әлем чемпионатында ҚПЛ тарихына енді
Иван Башич
«Астана» клубының жартылай қорғаушысы Иван Башич Босния және Герцеговина құрамасының сапында Канадаға қарсы ӘЧ-2026 матчына негізгі құрамда шықты, деп хабарлайды Pin-UpSport.kz. Осылайша ол Қазақстан Премьер-лигасында ойнап жүрген футболшылар арасында әлем чемпионатының финалдық кезеңінде алаңға шыққан алғашқы ойыншы атанды.
Башич «Астанаға» 2024 жылы келгеннен бері команданың негізгі ойыншыларының біріне айналды. Босниялық футболшы тұрақты түрде алаңға шығып, клубтың маңызды ойыншыларының қатарынан орын алды. Бұған дейін Қазақстан чемпионатында әлем чемпионатына қатысқан тәжірибелі футболшылар болғанымен, ҚПЛ клубында ойнап жүріп мундиаль матчына шыққан футболшы кездеспеген.
Тарихи оқиға Канада мен Босния және Герцеговина арасындағы топтық кезең матчында тіркелді. Башич ұлттық құрамасының бастапқы құрамынан орын алып, әлемдегі ең ірі футбол турнирінде өнер көрсету мүмкіндігіне ие болды. Биылғы әлем чемпионаты АҚШ, Канада және Мексикада өтіп жатыр. Канада құрамасы турнир қожайындарының бірі саналады.
Иван Башичтің әлем чемпионатындағы ойыны Қазақстан футболы үшін маңызды оқиға болды. «Астана» ойыншысы ҚПЛ тарихында алғаш рет мұндай жетістікке жетіп отыр. Ал Босния және Герцеговина құрамасы әлем чемпионатының топтық кезеңіндегі матчтарын жалғастырып, плей-офф жолдамасы үшін күреседі.
Айбар Рысдаулет
АҚШ ірі есеппен жеңді, Канада әлем чемпионатындағы алғашқы ұпайына қол жеткізді
«Қайрат» мадридтік «Реалдың» бұрынғы шабуылшысын қатарына қосты