Санатәлі Төлтаев Сауд Арабиясындағы жекпе-жегінде жеңіске жетті
Санатали Толтаев. Фото: Getty Images
Қазақстандық боксшы Санатәлі Төлтаев Эр-Риядта өтіп жатқан WBC Гран-при турнирінде сәтті дебют жасады. Оның қарсыласы Венесуэла өкілі Герман Брокеро болды.
Жекпе-жек алтыншы раундта техникалық нокаутпен аяқталып, жеңіс Төлтаевтың еншісіне жазылды. Осы нәтижесінің арқасында ол жарыстың келесі кезеңіне өтті және 15 мың доллар көлемінде сыйақы алды.
WBC Гран-приі плей-офф форматында ұйымдастырылып отыр. Әр кезең өткен сайын жүлде қоры да өсіп отырады. Бұл турнирге Сауд Арабиясы спорт басқармасының басшысы Түрки Әл Әш-Шейх бастамашы болған.
Айта кетейік, аталған додада тағы екі қазақстандық боксшы бақ сынады. Жолдас Жеңісов келесі кезеңге жолдама алса, Нұржан Серікбаев алғашқы айналымда жеңіліп қалды.
Автор туралы
Айбар Рысдалует
Спортивный журналист и обозреватель. Специализируется на казахстанском футболе и олимпийских видах спорта. Побывал на Олимпийских играх в Токио и играх БРИКС.
Барлық авторлық жазбаларды көру
