Криштиану Роналду қайтадан әлемдегі ең көп табыс табатын спортшы атанды
Фото: Sky news
«Әл-Наср» клубы мен Португалия құрамасының шабуылшысы Криштиану Роналду Forbes нұсқасы бойынша әлемдегі ең көп табыс табатын спортшылар рейтингінде бірінші орын алды, деп хабарлайды Pin-UpSport.kz.
Португалиялық футболшы соңғы 11 жыл ішінде бұл тізімде алтыншы рет көш бастады. Басылым мәліметінше, 2026 жылы Роналдудың жалпы табысы 300 миллион долларды құраған.
Бұған дейін шабуылшы Forbes рейтингінде 2016, 2017, 2023, 2024 және 2025 жылдары да бірінші орын алған болатын. Тізімде екінші орын мексикалық боксшы Сауль Альвареске бұйырды — оның табысы 170 миллион доллар болды. Ал үздік үштікті «Интер Майами» ойыншысы Лионель Месси түйіндеді. Аргентиналық футболшы 140 миллион доллар тапқан.
Биылғы маусымда Криштиану Роналду «Әл-Наср» сапында 37 матч өткізіп, 30 гол соғып, бес нәтижелі пас берді. Сонымен қатар португалиялық футболшы клубымен бірге Сауд Арабиясының чемпионы атанды.
Бұған дейін Роналду «Манчестер Юнайтед», мадридтік «Реал» және «Ювентус» клубтары сапында Англия, Испания және Италия чемпионаттарын жеңіп алған еді.
Айбар Рысдаулет
Александр Бублик Женевадағы турнирдің финалына шыға алмады
Лионель Мессидің байлығы бір миллиард доллардан асты