Лионель Мессидің байлығы бір миллиард доллардан асты
Лионель Месси.
«Интер Майами» клубы мен Аргентина құрамасының шабуылшысы Лионель Мессидің жалпы капиталы бір миллиард доллардан асты, деп хабарлайды Pin-UpSport.kz Bloomberg агенттігіне сілтеме жасап.
Агенттік мәліметінше, аргентиналық футболшы 2007 жылдан бері жалақы мен бонустар арқылы 700 миллион доллардан астам табыс тапқан. Инвестициялар, демеушілік келісімдер және басқа да активтерді есептегенде Мессидің жалпы байлығы бір миллиард доллардан асқан.
Осылайша Лионель Месси әлемдегі ең бай спортшылардың қатарына қосылды. Бұған дейін футболдағы алғашқы миллиардер ретінде 2023 жылы «Әл-Насрға» ауысқан Криштиану Роналду аталған болатын.
Сарапшылардың пікірінше, Мессидің АҚШ-қа ауысуы оның табысының айтарлықтай өсуіне әсер етті. Бұған «Интер Майамиден» алатын төлемдер, телехабарлардан түсетін үлес, жылжымайтын мүлікке салынған инвестициялар және Аргентинадағы мейрамханалар желісіндегі үлесі ықпал еткен.
Сонымен қатар «Интер Майамидің» қаржылық көрсеткіштері де жақсарып келеді. Sportico мәліметі бойынша, клубтың құны бір жыл ішінде 20 пайыздан астам өсіп, шамамен 1,45 миллиард долларға жеткен. Қазір команда АҚШ-тағы ең қымбат футбол клубы саналады.
Айбар Рысдаулет
Криштиану Роналду қайтадан әлемдегі ең көп табыс табатын спортшы атанды
Ресми: Астанада күрес түрлерінен 2026 жылғы әлем чемпионаты өтеді