Криштиану Роналду Испания клубының 25 пайыз акциясын сатып алды
Криштиану Роналду Фото: GI
Сауд Арабиясының «Аль-Наср» клубында өнер көрсететін Криштиану Роналду испаниялық «Альмерия» клубының 25 пайыз акциясын иеленді, деп хабарлайды Pin-UpSport.kz. Келісім футболшының инвестициялық компаниясы арқылы жүзеге асырылған.
«Альмерия» Испанияның екінші дивизионында өнер көрсетеді және Ла Лигаға шығу үшін таласып жатыр. Роналду өз мәлімдемесінде футболға тек алаңда ғана емес, басқару және инвестиция саласында да үлес қосқысы келетінін атап өтті. Ол клубтың даму әлеуеті жоғары екенін айтты.
Акцияларды сатып алу CR7 Sports Investments компаниясы арқылы іске асырылды. Бұл құрылым CR7 SA құрамына кіреді және спорт саласындағы инвестицияларды басқару үшін құрылған.
«Альмерия» клубының президенті Мохамед Аль-Херейджи Роналдудың жобаны таңдағанына қуанышты екенін жеткізді. Оның айтуынша, португалиялық футболшының Испания чемпионаттарындағы тәжірибесі мен көзқарасы клубтың әрі қарай дамуына ықпал етуі мүмкін.
Айбар Рысдаулет
Жәнібек Әлімханұлы екінші мәрте жазаланды
«Атырау» Владимир Чебуринмен келіссөз жүргізіп жатыр