Forbes әлемдегі ең көп табыс табатын спортшылар рейтингін жариялады
Криштиану Роналду. Фото: Getty Images
Forbes журналы әлемдегі ең көп табыс табатын спортшылардың жыл сайынғы рейтингін жариялады, деп хабарлайды Pin-UpSport.kz.
Басылым мәліметінше, соңғы 12 айда әлемдегі ең табысты 50 спортшының жалпы кірісі салықтар мен агенттік төлемдерді есептемегенде 4,1 миллиард долларды құраған. Өткен жылмен салыстырғанда көрсеткіш үш пайызға төмендегенімен, бұл Forbes тарихындағы екінші ең жоғары нәтиже болып отыр.
Төртінші жыл қатарынан рейтингтің көшін «Әл-Наср» және Португалия құрамасының шабуылшысы Криштиану Роналду бастады. Португалиялық футболшының бір жылдағы табысы рекордтық 300 миллион доллар болды. Бұл — Forbes тарихындағы ең жоғары көрсеткіш.
Сонымен қатар рейтингке ену үшін қажетті ең төменгі табыс көлемі де жаңа рекорд орнатты. Тізімнің соңында тұрған әлемнің бірінші ракеткасы Янник Синнер 54,6 миллион доллар тапқан.
Рейтингке сегіз спорт түрінен 18 елдің өкілдері енді. Ең көп спортшы Ұлттық баскетбол қауымдастығынан тіркелді.
Forbes рейтингті жасау кезінде 2025 жылдың 1 мамыры мен 2026 жылдың 1 мамыры аралығындағы табыстарды есепке алғанын мәлімдеді. Оған жалақы, сыйақы, жүлде қоры, жарнамалық келісімдер, бизнес пен басқа да коммерциялық табыстар енгізілген.
Айбар Рысдаулет
Еркебұлан Тоқтар Алматыдағы IBA Nomad 15 турнирінде жұдырықтасады
«Барселона» әйелдер арасындағы Чемпиондар лигасын жеңіп алды