Роналду мансабын «Спортингте» аяқтауы мүмкін
Криштиану Роналду
Португалиялық шабуылшы Криштиану Роналду кәсіби мансабын өзі түлеп ұшқан лиссабондық «Спортинг» клубында жалғастыру мүмкіндігін қарастырып отыр, деп хабарлайды Pin-UpSport.kz.
Сауд Арабиясындағы «Аль-Наср» клубындағы жағдайға байланысты футболшының болашағына қатысты түрлі нұсқалар талқылануда, солардың бірі – Португалияға қайта оралу.
Бұқаралық ақпарат құралдарының мәліметінше, Роналду «Аль-Насрдағы» басқару саясатына көңілі толмай жүр. Ол Сауд Арабиясының мемлекеттік инвестициялық қоры бірнеше жетекші клубты қатар басқарып отырғанын және солардың ішінде «Аль-Насрға» бәсекелестеріне қарағанда құрамды күшейту үшін аз мүмкіндік беріліп жатқанын алға тартуда. Бұл жағдай команданың жоғары мақсаттар үшін күресуіне кедергі келтіреді деп есептеледі.
Fichajes және өзге де еуропалық басылымдар Роналдудың Португалияға оралуы мүмкін екенін жоққа шығармайды. «Спортинг» жанкүйерлері үшін бұл ерекше әрі тарихи оқиға болар еді. Өйткені Криштиану дәл осы клубта кәсіби футболдағы алғашқы қадамдарын жасап, кейін әлемдік деңгейдегі жұлдызға айналды. Оның туған клубына қайта келуі мансаптағы соңғы маңызды белес ретінде бағалануда.
Дегенмен, мұндай трансфер «Спортинг» үшін қаржылық тұрғыда оңай болмайтыны айтылуда. Соған қарамастан, Роналдудың оралуы клубтың имиджі мен тарихи маңызы үшін аса құнды қадам болуы мүмкін. Бұған дейін футболшының MLS немесе Еуропаның өзге біріншіліктерінде өнер көрсетуі мүмкін деген ақпараттар да тараған еді, алайда қазір «Спортинг» Криштиану Роналдудың мансабын аяқтайтын клуб ретінде жиі атала бастады.
Айбар Рысдаулет
Әліби Ыдырыс UFC-дегі дебюті алдында допинг-бақылаудан өтті
Ресми: Алматыда 2029 жылғы қысқы Азия ойындары өтеді