Базарбайұлы Тайландта кәсіби боксқа дайындалып жатыр
Мухаммедсабыр Базарбайулы. Фото: muhammedsabyr002/Instagram
Қазақстан құрамасының боксшысы Мұхаммедсабыр Базарбайұлы қазір Тайландтағы Пхукет аралында орналасқан Tiger Muay Thai залында жаттығу өткізіп жатыр, деп хабарлайды Pin-Upsport.kz. Ол бұл оқу-жаттығу жиынын орта салмақта WBC рейтингінде бірінші орында тұрған отандасы Мейірім Нұрсұлтановпен бірге өткізіп жүр. Екеуіне жаттықтырушы Джон Хатчинсон жетекшілік етеді.
Бапкер Instagram парақшасында олардың бірлескен жаттығу сәтінен бейнематериал да жариялады. Айта кетейік, былтырғы жылдың соңында Мұхаммедсабырдың кәсіпқой бокста дебют жасайтыны хабарланған. Алайда ақпан айына жоспарланған жекпе-жек өтпей қалды.
Биыл сәуірде Базарбайұлы Хабаровск қаласында өткен Константин Коротковты еске алуға арналған халықаралық турнирде қола жүлдеге ие болды. Сондай-ақ ол Париж Олимпиадасында Қазақстан намысын қорғап, ширек финалға дейін жеткен болатын.
