Теннистен Қазақстан қыздар құрамасы Билли Джин Кинг кубогының финалына шықты
Юлия Путинцева. Фото: Getty Images
Қазақстан әйелдер теннис құрамасы Билли Джин Кинг кубогының финалдық кезеңіне жолдама алды. Юрий Щукин баптайтын команда шешуші ойында Колумбия құрамасын 2:0 есебімен оңай ұтты.
Алдымен Юлия Путинцева Валентина Ариасты тас-талқан етіп, 6:0, 6:1 есебімен жеңді. Одан кейін кортқа шыққан Елена Рыбакина да қарсыласы Юлиана Лизаразоны еш қиналмай 6:1, 6:2 есебімен ұтты.
Осылайша, Қазақстан D тобында бірінші орын алып, Қытайдың Шэньчжэнь қаласында 16–21 қыркүйек аралығында өтетін финалдық кезеңге жолдама алды. Енді отандық теннисшілер басты жүлде үшін таласады.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
Алдыңғы мақала:
Атырауға 12 мың адамдық жаңа стадион салынадыКелесі мақала:
«Қазақ патшасы» әлемдік рейтингте көтерілді