Елена Рыбакина WTA рейтингінде екінші орнын сақтап қалды
Фото: КТФ
Қазақстанның бірінші ракеткасы Елена Рыбакина WTA ұйымының жаңартылған рейтингінде екінші орнын сақтап қалды, деп хабарлайды Pin-UpSport.kz. Қазақстандық теннисші әлемдік рейтингтің көшбасшылары қатарында қалып отыр.
Рыбакинаның еншісінде 8143 ұпай бар. Одан жоғары тек Беларусь өкілі Арина Соболенко орналасқан. Оның қоржынында 9090 ұпай бар. Үздік үштікті 6733 ұпаймен польшалық Ига Швентек түйіндейді.
Елена соңғы турнирлердегі сәтсіз нәтижелеріне қарамастан өз орнын сақтап қалды. Өткен аптада ол Берлинде өткен WTA 500 турнирінде алғашқы айналымнан аса алмай, филиппиндік Александра Эалаға жол берді. Бұған дейін Лондонда өткен WTA 500 турнирінде де жартылай финалға шыға алмай, Ұлыбритания өкілі Кэти Бултерден жеңілген болатын.
Қазақстандық басқа теннисшілер арасында Юлия Путинцева 85-орында тұр. Жібек Құламбаева 29 сатыға көтеріліп, 450-орынға жайғасты. Аружан Сағандықова 668-орында болса, Соня Жиенбаева сегіз орынға жоғарылап, 751-сатыға көтерілді. Ал Асылжан Арыстанбекова екі орынға төмендеп, 925-орында орналасқан.
Айбар Рысдаулет
Анна Данилина WTA рейтингіндегі орнын сақтап қалды
Александр Бублик ATP рейтингінде 11-орнын сақтап қалды