Атырауға 12 мың адамдық жаңа стадион салынады
Стадион в Атырау. Фото: offside.kz
Атырауда 12 мың көрерменге арналған заманауи футбол стадионының құрылысы жақын күндері басталады. Барлық рұқсат құжаттары тиісті министрліктен алынған, енді жұмыс бастауға дайын.
Құрылыс жұмыстары сәуірдің 25–30 күндері аралығында басталады деп жоспарланып отыр. Жобаны шетелдік мердігерлер жүзеге асырады, дегенмен отандық компаниялар да іске араласады. Бірақ жергілікті мердігерлер нақты қандай жұмыстарды атқаратыны әзірге белгісіз.
Стадионда бірнеше маңызды аймақ қарастырылған: көрермендер аренаның батыс және шығыс трибуналары арқылы кіретін болады. Батыс жағында VIP-қонақтарға арналған орын, БАҚ өкілдеріне арналған алаң және футболшылар мен командаларға жеке кіреберіс болады. Шығыс трибунада жанкүйерлер үшін демалыс аймағы мен жаттығу базасы орналаспақ.
Құрылыс 2026 жылдың желтоқсанында толық аяқталады деп күтілуде.
Айбар Рысдаулет
Қазақстанның 19 былғары қолғап шебері Хабаровскіде бақ сынайды
Теннистен Қазақстан қыздар құрамасы Билли Джин Кинг кубогының финалына шықты