Геннадий Головкин Мысырдағы бокс кешінде Канеломен кездесті
Фото: НОК РК
Қазақстан Ұлттық Олимпиада комитеті мен World Boxing ұйымының президенті Геннадий Головкин Мысырдың Гиза қаласында өткен бокс кешіне қатысты, деп хабарлайды Pin-UpSport.kz.
Кештің басты жекпе-жегінде аса ауыр салмақтағы әлем чемпионы Александр Усик нидерландтық кикбоксшы Рико Верхувенге қарсы шықты.
Турнир барысында Головкин өзінің бұрынғы қарсыласы — мексикалық Сауль Канело Альвареспен кездесті. Қазақстандық боксшы жекпе-жектерді Канело және британдық суперауыр салмақтағы боксшы Энтони Джошуамен бірге тамашалады.
Еске салсақ, Геннадий Головкин мен Сауль Альварес 2017, 2018 және 2022 жылдары Лас-Вегаста үш рет жұдырықтасқан болатын. Алғашқы кездесу тең нәтижемен аяқталса, кейінгі екі жекпе-жекте төрешілер шешімімен мексикалық боксшы жеңіске жетті.
Үшінші кездесуден кейін Головкин рингке қайта шыққан жоқ, алайда мансабын аяқтағанын ресми түрде жарияламады. Ал Канело келесі жекпе-жегін 12 қыркүйекте Эр-Риядта жеңіліп көрмеген француз-камерундық боксшы Кристиан Мбиллиге қарсы өткізеді.
Айбар Рысдаулет
Александр Усик Рико Верхувенді техникалық нокаутпен жеңді
Лионель Месси 2026 жылғы әлем чемпионатына қатысуға дайын