Абель Санчес Геннадий Головкинмен арадағы келіспеушіліктің себептерін түсіндірді
Геннадий Головкин. Фото: Getty Images
Қазақстандық бокс аңызы Геннадий Головкинмен ұзақ жылдар бойы жұмыс істеген америкалық жаттықтырушы Абель Санчес олардың не себепті екі жаққа кеткенін түсіндіріп берді, деп хабарлайды Pin-UpSport.kz.
Vringe порталына берген сұхбатында ол бұл шешім жеке қарым-қатынасқа емес, кәсіби және қаржылық мәселелерге байланысты қабылданғанын атап өтті.
Санчес Головкинді шамамен тоғыз жарым жыл жаттықтырғанын, бұл кезең оның кәсіби мансабының қалыптасуымен тұспа-тұс келгенін еске салды. Жаттықтырушының айтуынша, алғашқы жылдары команда айтарлықтай табыссыз жұмыс істеп, ортақ мақсат үшін еңбек еткен. Алайда уақыт өте келе боксшының айналасында жаңа кеңесшілер пайда болып, қаржылық саясат пен жұмыс форматына өзгерістер енгізілген. Бұл өзгерістер Санчестің еңбегі мен жауапкершілігіне сай келмеген.
Америкалық маман өз ұстанымын Головкинге және оның заңгеріне ашық жеткізгенін айтты. Оның пікірінше, жаттықтырушы мен спортшы арасындағы сенім ең алдымен қиын сәттерде сыналады. Егер маман өзін бағаланбай отырмын деп сезінсе, бұл рингтегі шешімдерге әсер етуі мүмкін. Сондықтан Санчес мұндай жағдайға түспеу үшін жұмысты жалғастырудан бас тартуды жөн көргенін жеткізді.
Сұхбат барысында Санчес олардың жолдары ажырасқаннан кейін Головкинмен байланыс жасамағанын, бірақ оның жекпе-жектерін сырттай бақылап отырғанын айтты. Ол кейінгі айқастарда қазақстандық боксшының қорғаныста бұрынғыдай тұрақты болмағанын атап өтті. Соған қарамастан, Санчес Головкинді ұлы боксшы әрі ақылды тұлға ретінде жоғары бағалайтынын, оның халықаралық деңгейдегі беделі мен Олимпиада қозғалысына қосқан үлесін ерекше атап өтіп, болашақта қарым-қатынасты қайта жандандыруға ниетті екенін білдірді.
Айбар Рысдаулет
«Астана» Марин Томасовтың азаматтығын өзгерту мүмкіндігін қарастырып отыр
Ғалымжан Кенжебек «Ахматқа» ауысуға жақын: трансфердің негізгі шарттары белгілі болды