Жәнібек Әлімханұлы дисквалификацияны қысқартуға немесе жоюға тырысып жатыр
Жанибек Алимханулы. Фото: janibek_alimkhanuly/Instagram
Орта салмақтағы WBO чемпионы Жәнібек Әлімханұлы дисквалификацияны қысқарту немесе толық алып тастау мақсатында апелляция берді, деп хабарлайды Pin-UpSport.kz. Оның командасы бұл шешім қайта қаралады деп үміттеніп отыр.
Өткен жылдың желтоқсанында қазақстандық боксшының допинг сынамасынан мельдоний табылған. Тергеу қорытындысы бойынша, бұл препарат спортшының ағзасына сәуір айында өткен жекпе-жектен кейін Қазақстандағы клиникалардың бірінде ем қабылдау кезінде абайсызда түскені анықталған.
Осы жағдайға қарамастан, Дүниежүзілік бокс ұйымы Әлімханұлынан чемпиондық белбеуді алған жоқ, бірақ оны 2026 жылдың 2 желтоқсанына дейін жекпе-жектерден шеттетті. Бұдан кейін спортшының командасы бұл шешімге шағым түсірді.
Боксшының X желісіндегі жазбасы да назар аудартты. «Жақында кездесеміз! Мен орта салмақтағы барлық белбеуді жеңіп алу үшін келдім! Маған сенетін барлық жанкүйерлерге үлкен рақмет! Дүниежүзілік бокс ұйымына ерекше құрмет!» — деп жазды Әлімханұлы.
Айбар Рысдаулет
Николай Веретенников UFC турнирінде Калинн Уильямспен жекпе-жек өткізеді
Тимофей Скатов Шымкенттегі турнир финалында жеңілді