Тимофей Скатов Шымкенттегі турнир финалында жеңілді
Қазақстандық теннисші Тимофей Скатов Шымкентте өткен турнирдің финалында жеңіліп қалды, деп хабарлайды Pin-UpSport.kz. Ол жарыста бірінші нөмірмен тіркеліп, фаворит саналған еді.
Финалда әлемдік рейтингте 198-орында тұрған Скатов Өзбекстан өкілі Сергей Фоминмен (359-орын) кездесті. Матч екі сетте аяқталып, 6:3, 7:5 есебімен Фоминнің пайдасына шешілді.
Кездесу 1 сағат 52 минутқа созылды. Екі теннисші де төрттен эйс жасады, алайда Скатов алты қос қате жіберсе, қарсыласы бір ғана қателікке жол берді. Қазақстандық ойыншы алты мүмкіндіктің екеуін ғана пайдаланды, ал Фомин он екі мүмкіндіктің бесеуін іске асырды.
Скатов финалға дейінгі жартылай финалда француз Антуан Гибодоны 6:2, 6:2 есебімен сенімді жеңген еді. Нәтижесінде қазақстандық теннисші турнирді екінші орынмен аяқтады.
Айбар Рысдаулет
Жәнібек Әлімханұлы дисквалификацияны қысқартуға немесе жоюға тырысып жатыр
Алматы күрес бойынша әлем чемпионатын өткізуге үміткер атанды