Сабырхан: «Екінші раундта мұрнымнан қан кетті, бірақ қарқынды үдетіп, соңын өз пайдамa шештім»
Фото: olympic
Қазақ боксшысы Төрехан Сабырхан Ливерпульде өтіп жатқан World Boxing әлем чемпионатындағы алғашқы жекпе-жегін сәтті бастады, деп хабарлайды Pin-UpSport.kz тілші Уәлихан Қосанбайға сілтеме жасап.
70 келі салмақ дәрежесіндегі 1/16 финалда ол алжирлік Юсеф Ислам Яишпен кездесіп, алғашқы екі раундта ұпай жағынан қалып қойғанымен, шешуші үшінші раундта қарсыласын екі мәрте нокдаунға жіберіп, төрешілердің бөлек шешімімен жеңіске жетті.
«Қарсыласым өте тәжірибелі болды, әлем чемпионаттарының ширек финалына дейін барған. Оның қол-аяғы ұзын екенін білдік, бірақ стилін толық зерттеуге уақыт жетпеді. Рингте бапкерлерім Ілияс аға мен Қайрат ағаның кеңестері көмектесті. Екінші раундта мұрнымнан қан кетіп, төрешілердің көңілі басқаға ауғандай болды. Бірақ қарқынды үдетіп, соңын өз пайдама шештім», — деді Сабырхан.
Айта кетейік, Торехан Сабырхан — тарихта алғаш рет жастар мен жасөспірімдер арасында Азияның төрт дүркін чемпионы атанған боксшы. Ересектер сапында ол бұған дейін Софиядағы «Странджа кубогін»-2025 және Бангкоктағы Thailand Open-2025 турнирін жеңіп алған.
