Қазақстан бокс федерациясы Азия ойындарындағы жекпе-жектерден кейін World Boxing ұйымына хат жолдады
Қазақстан бокс федерациясы Айти және Нагояда өтіп жатқан 2026 жылғы Азия ойындарындағы Махмұд Сабырхан мен Наталья Богданованың жартылай финалдық жекпе-жектерінен кейін World Boxing ұйымына ресми хат жолдады, деп хабарлайды Pin-UpSport.kz.
75 келіге дейінгі салмақта Наталья Богданова Үндістан өкілі Ловлина Боргохайннан төрешілердің бөлінген шешімімен 2:3 есебімен жеңілді. Қазақстандық боксшы бірінші раундта үш төрешінің хаттамасы бойынша басым түсті. Алайда екінші раундта бес төрешінің барлығы үндістандық спортшыға артықшылық берді. Қорытынды есептер Боргохайнның пайдасына 30:27, 29:28, 29:28 және Богданованың пайдасына 29:28, 29:28 болды.
55 келіге дейінгі салмақта Махмұд Сабырхан да жартылай финалда төрешілердің бөлінген шешімімен Филиппин өкілі Карло Пааламнан жеңілді. Қазақстандық боксшы бірінші раундта 1:4 есебімен есе жіберіп, екінші раундта 3:2 есебімен басым түсті. Үшінші раундта Паалам ереже бұзғаны үшін бір ұпайынан айырылды. Соған қарамастан, жекпе-жек қорытындысы бойынша үш төреші жеңісті филиппиндік боксшыға берді.
Осы екі жартылай финалдық жекпе-жектен кейін Қазақстан бокс федерациясы World Boxing ұйымына ресми өтініш жолдады. Айти және Нагояда өтіп жатқан XX жазғы Азия ойындары 4 қазанға дейін жалғасады.
