Мейірім Нұрсұлтанов WBC чемпионымен жұдырықтасуы мүмкін
Мейирим Нурсултанов
Орта салмақтағы қазақстандық боксшы Мейірім Нұрсұлтанов (20-0, 11 КО) келесі жекпе-жегінде WBC чемпионы, доминикандық Карлос Адамеспен (24-1-1, 18 КО) қолғап түйістіруі мүмкін.
WBC ұйымы Адамеске белбеуін міндетті түрде қорғауды талап етіп, оның қарсыласы ретінде Нұрсұлтановты бекітті.
Бұл ақпаратты танымал бокс сарапшылары да растап отыр, оның ішінде ESPN журналисі әрі инсайдері Сальвадор Родригес те бар. Ол WBC-дің Дмитрий Бивол мен Давид Бенавидес арасындағы жекпе-жекті де міндеттегенін атап өтті.
22 ақпанда Карлос Адамес британдық Хамза Шираспен (21-0-1, 7 КО) жұдырықтасып, жекпе-жек даулы тең нәтижемен аяқталды. Соған қарамастан, чемпиондық белбеу Адаместе қалды. Айта кетейік, WBC бұл жекпе-жектің жеңімпазы міндетті түрде Нұрсұлтановпен кездесуі керек екенін алдын ала хабарлаған.
Қазіргі таңда қазақстандық боксшы WBC рейтингінде үшінші орында тұр.
Айбар Рысдаулет
Қазақстандық балуандар Албаниядағы турнирде үш жүлде жеңіп алды
Асу Алмабаев: «Капені жеңсем, титулдық жекпе-жекке бір қадам жақындаймын»