Марко Ройс «Ақтөбе» клубына ауысуы мүмкін
Германия құрамасының және дортмундтық «Боруссияның» бұрынғы футболшысы Марко Ройс «Ақтөбе» клубынан ұсыныс алып, жақын күндері болашағына қатысты шешім қабылдауы мүмкін, деп хабарлайды Pin-UpSport.kz.
«Инсайды от Карпа» ақпарат көздеріне сүйенсек, 36 жастағы жартылай қорғаушыға Ақтөбе облысының командасы тарапынан қаржылық тұрғыдан тартымды келісім ұсынылған.
Марко Ройс кәсіби мансабының басым бөлігін «Боруссия» сапында өткізіп, бір клубқа адалдықтың символына айналды. Ол әр кезеңде «Бавария», «Реал», «Манчестер Юнайтед», «Манчестер Сити» және «Барселона» секілді алып клубтардың шақыртуынан бас тартып, Дортмундта қалуды жөн көрді. Ройс «Боруссия» құрамында барлығы 494 матч өткізіп, клуб тарихындағы үшінші көрсеткішке қол жеткізді.
Соған қарамастан, футболшы Германия чемпионатын жеңе алмады. Оның еншісінде Германия кубогының екі титулы мен Суперкубоктағы үш жеңіс бар, сондай-ақ Бундеслигада жеті рет күміс жүлдегер атанған. «Боруссиядан» кеткен соң Ройс соңғы бір жарым маусымды «Лос-Анджелес» клубында өткізіп, 39 матчта тоғыз гол соғып, 12 нәтижелі пас берді.
«Ақтөбе» тарапынан көрсетілген қызығушылық клубтың соңғы стратегиясымен үйлеседі. Өткен маусымда Қазақстан Премьер-Лигасында бесінші орын алған ақтөбеліктер жаңа маусым алдында құрамын күшейтуге басымдық беріп отыр. Бұған дейін клуб Луиш Нанимен келісімшартқа қол қойған еді, ал Марко Ройстың ықтимал трансфері «Ақтөбенің» амбициясын одан әрі айқындай түсуі мүмкін.
Айбар Рысдаулет
Велоспорт: Рината Сұлтанова Азия чемпионы атанды
Елена Рыбакина Дохада өтетін WTA 1000 турниріне қатысады