Велоспорт: Рината Сұлтанова Азия чемпионы атанды
Фото: НОК РК
Сауд Арабиясының Әл-Қассим қаласында тас жолдағы велоспорттан өтіп жатқан Азия чемпионаты Қазақстан құрамасы үшін сәтті басталды.
Әйелдер арасындағы элита санатында өткен уақытқа жарыста ұлттық құрама өкілі Рината Сұлтанова алтын медаль жеңіп алды.
Қазақстандық спортшы 20 шақырымдық қашықтықта барлық қарсыласынан озып, мәреге бірінші болып жетті. Осылайша, Рината Сұлтанова Азия чемпионы атанып, құрлықтық біріншіліктегі алғашқы алтынды Қазақстан қоржынына салды.
20 шақырымға өткен жарыстың қорытындысы бойынша екінші орынды Қытай Гонконгінің өкілі Йе Вин Лун иеленсе, қола медаль Қытай спортшысы Хао Чжанға бұйырды. Бұл нәтижелер әйелдер арасындағы финалдық хаттамада тіркелді.
Айта кетейік, ерлер арасында дәл осы дисциплинада 31 шақырымға уақытқа жарыс 11 ақпанда өтеді. Тас жолдағы велоспорттан Азия чемпионаты Сауд Арабиясында алғаш рет ұйымдастырылып отыр. Құрлықтық дода 11 ақпанда өз мәресіне жетеді.
Айбар Рысдаулет
Гвардиола «Манчестер Сити» клубінен 2026 жылдың жазында кетуі мүмкін
Марко Ройс «Ақтөбе» клубына ауысуы мүмкін