Кубалық мықты Жәнібекке қарсы шығуға дайын
Йоэнли Эрнандес. Фото: Ring Magazine
Орта салмақта өнер көрсететін кубалық Йоэнли Эрнандес (8-0, 7 KO) WBO және IBF чемпиондық белбеулерінің иесі Жәнібек Әлімханұлымен жекпе-жек өткізгісі келетінін мәлімдеді. Бұл туралы BrunchBoxing сайты жазды.
Эрнандес 31 мамыр күні Лас-Вегаста өткен жекпе-жекте америкалық Кайрон Дэвисті (19-4-1, 6 KO) төрешілердің бірауыздан шығарған шешімімен жеңген соң, Алимханулыны қарсылас ретінде атады.
«Қазіргі чемпиондардың ішінде Алимханулы – мінсіз қарсылас. Ол өте мықты, әрі оған қарсы шығуға ешкімнің жүрегі дауаламайды», – деп жазды басылым.
BrunchBoxing мәліметінше, Эрнандес жай ғана кезекті қарсылас емес. Ол соққысы мығым, өзін сенімді ұстайтын, жекпе-жекке ашық жаңа буын кубалық боксшыларының өкілі. Сарапшылар оны орта салмақтағы қауіпті қарсыластардың бірі деп бағалап отыр.
Айбар Рысдаулет
Келісілген ойындар дерті: Қазақ футболының абыройы неге шайқалды?
Бублик «Ролан Гарростағы» сәтті нәтижесінен кейін рейтингте жоғары көтерілді