«Барселона» әйелдер арасындағы Чемпиондар лигасын жеңіп алды
Sky Sports
«Барселона» футболшылары әйелдер арасындағы УЕФА Чемпиондар лигасының 2025/26 жылғы маусымында жеңімпаз атанды, деп хабарлайды Pin-UpSport.kz.
Турнирдің финалдық кездесуі Ослодағы «Уллевол» стадионында өтті. Каталониялық клуб француздың «Лионын» 4:0 есебімен ірі есепте жеңді.
Матчтың басты қаһармандары польшалық шабуылшы Эва Пайор мен испаниялық форвард Сальма Паральюэло болды. Екі футболшы да дубль авторы атанды. Пайор 55 және 69-минуттарда гол соқса, Паральюэло матч соңында — 90 және 90+3-минуттарда мергендігімен көзге түсті.
Сонымен қатар Пайор мен Паральюэло бір-бір нәтижелі пастан берді. Ал испаниялық жартылай қорғаушы Патрисия Гихарро екі ассист авторы атанды.
Осы жеңістің арқасында «Барселона» клуб тарихындағы әйелдер арасындағы төртінші Чемпиондар лигасының титулын жеңіп алды. Каталониялық команда бұған дейін бұл турнирде 2024 жылы топ жарған болатын.
Финалда жеңілгеніне қарамастан, «Лион» сегіз титулмен әйелдер арасындағы Чемпиондар лигасының ең табысты клубы болып қала береді.
