Евгений Павлов АҚШ-тағы титулдық жекпе-жек алдында көз арбасты
Фото: Sm1.kz
Қазақстандық боксшы Евгений Павлов WBC Continental Americas белбеуі үшін өтетін жекпе-жек қарсаңында дәстүрлі көз арбасу рәсіміне қатысты, деп хабарлайды Pin-UpSport.kz.
Салтанатты шара АҚШ-тың Мэриленд штатындағы Ганновер қаласында өтті. Онда Павлов колумбиялық Альбейро Паредеспен кездеседі. Қазақстандық былғары қолғап шебері сахнаға мемлекеттік Тумен шықты. Жекпе-жекте екінші жеңіл салмақ дәрежесіндегі WBC Continental Americas ұйымының вакантты чемпиондық белбеуі сарапқа салынады.
Бұл кездесу Евгений Павлов үшін биылғы алғашқы титулдық айқас болмақ. Оның соңғы жекпе-жегі 25 сәуірде Балтиморда өтіп, америкалық Антонио Дантон Эла-кішімен кездесуде төрешілердің бірауызды шешімімен жеңіске жеткен еді. Осылайша қазақстандық кәсіпқой рингтегі рекордын 11 жеңіске дейін жеткізді, оның сегізін мерзімінен бұрын аяқтаған.
Ал Альбейро Паредес соңғы рет 2025 жылдың қарашасында шаршы алаңға шығып, америкалық Эдвард Васкеске төрешілер шешімімен есе жіберген болатын. Енді ол Қазақстан өкіліне қарсы жекпе-жекте чемпиондық белбеуді жеңіп алуға тырысады.
