Анна Данилина WTA рейтингіндегі орнын сақтап қалды
Фото: VCG via Getty Images
Қазақстандық теннисші Анна Данилина жұптық сындағы жаңартылған WTA рейтингінде алтыншы орнын сақтап қалды, деп хабарлайды Pin-UpSport.kz. Ол әлі де әлемнің үздік он теннисшісі қатарына енген жалғыз қазақстандық спортшы болып отыр.
Жаңартылған рейтингте Данилинаның еншісінде 6785 ұпай бар. Жұптық рейтингтің көшбасшысы ретінде Чехия өкілі Катерина Синякова қалды. Екінші орында америкалық Тейлор Таунсенд орналасса, үздік үштікті канадалық Габриэла Дабровски түйіндейді. Бесінші орында Данилинаның тұрақты серіктесі, сербиялық Александра Крунич тұр.
Қазақстандық теннисшілер арасында Жібек Құламбаева айтарлықтай алға жылжыды. Ол бірден 21 сатыға көтеріліп, 173-орынға жайғасты. Ал Юлия Путинцева үш орынға жоғарылап, жұптық рейтингте 347-сатыға көтерілді.
Айта кетейік, жақында Анна Данилина мен Александра Крунич «Ролан Гаррос» турнирінің финалына дейін жеткен болатын. Алайда шешуші матчта олар Катерина Синякова мен Тейлор Таунсенд жұбына есе жіберді.
