Бивол мен Бетербиев арасындағы үшінші шайқас қазан айында өтеді
Бивол vs Бетербиев. Фото: Getty Images
Дмитрий Бивол мен Артур Бетербиев арасындағы тарихи трилогияның шешуші жекпе-жегі биыл қазан айына жоспарланып отыр. Бұл туралы бокс инсайдері Дэн Рафаэль мәлімдеді. Рингке шығатын қос мықты үш бірдей чемпиондық белбеу үшін жұдырықтасады.
Еске салайық, алғашқы кездесуде төрешілер шешімімен Бетербиев жеңіске жеткен. Ал 2025 жылдың ақпан айында өткен екінші айқаста дәл сондай шешіммен Бивол басым түсіп, жартылай ауыр салмақтағы абсолют чемпион атанған еді. Екі жекпе-жек те Сауд Арабиясының Эр-Рияд қаласында өткен.
Алайда Бивол WBC ұйымының міндетті қарсыласы Давид Бенавидеспен кездесуден бас тартқаннан кейін чемпиондық белбеуінен айырылып қалды. Осылайша, Бенавидес жаңа чемпион ретінде танылды.
Енді бұл екеуінің арасындағы үшінші – әрі шешуші – кездесу өтпек. Көпшілік күткендей, ол тағы да Сауд Арабиясында ұйымдастырылады.
Айбар Рысдаулет
Лео Жарагуа футзалдан Латвия Кубогын жеңіп алды
Қайта құрудың соңы неге апарды? «Барыстың» басшысы қызметінен кетті