«Ақтөбенің» бас бапкері ҚПЛ-дың басқа клубына ауысуы мүмкін
Фото: ФК Актобе
Болгариялық маман Николай Костовтың өкілдері оның келесі маусымдағы мансабына қатысты бірнеше клубпен келіссөз жүргізіп жатыр, деп хабарлайды Pin-UpSport.kz. Бұл туралы ASnews.kz басылымы хабар таратты.
Қазіргі таңда «Ақтөбе» еурокубок жолдамасы үшін күресін жалғастыруда, ал Костов клуб басшылығының сеніміне ие болып отыр. Дегенмен агенттері бапкердің болашағына байланысты өзге де нұсқаларды қарастыруда. Солардың бірі — шымкенттік «Ордабасы» клубы. Егер қазіргі бас бапкер Андрей Мартин қызметінен кетсе, Костовтың кандидатурасы ұсынылуы мүмкін.
Костов қазақстандық футбол жанкүйерлеріне жақсы таныс. Ол бұған дейін «Шахтер» мен «Каспий» командаларын басқарған, ал 2025 жылдың жазында «Ақтөбенің» тізгінін ұстаған болатын. Оның жетекшілігімен команда тұрақты ойын көрсетіп, Премьер-лигада жоғары орындарға таласып келеді.
Алдағы апталарда Костовтың тағдыры анықталуы мүмкін. Барлығы маусым соңындағы нәтижелер мен клуб басшылығының шешіміне байланысты болмақ.
Айбар Рысдаулет
Лионель Месси Майамиде халықаралық жасөспірімдер турнирін өткізеді
Алимханұлының келесі қарсыласы Эрисланди Лара болмақ