Александр Бублик Мадридте Стефанос Циципаспен ойнайды
Фото: ZUMA Press Wire
Қазақстандық теннисші Александр Бублик Мадридте өтіп жатқан ATP 1000 турнирінің екінші айналымындағы қарсыласын білді, деп хабарлайды Pin-UpSport.kz. Оның қарсыласы — грек теннисшісі Стефанос Циципас.
Бірінші айналымда америкалық Патрик Кипсон (ATP рейтингінде 90-орын) Стефанос Циципасқа (80-орын) жол берді. Матч 2 сағат 40 минутқа созылып, грек спортшысының 2:6, 7:6, 7:6 есебімен жеңісімен аяқталды.
Осылайша, Циципас екінші айналымға шығып, әлемдік рейтингте 11-орында тұрған Қазақстанның бірінші ракеткасы Александр Бубликпен кездеседі. Бублик жарысты осы кезеңнен бастайды.
Қазақстандық теннисші турнирде сегізінші нөмірмен тіркелген. Жарыс 22 сәуір мен 3 мамыр аралығында өтеді, жалпы жүлде қоры 8 235 540 еуроны құрайды. Жекелей сында жеңімпаз 1 007 165 еуро алады.
Айбар Рысдаулет
Жібек Құламбаева Баотоудағы турнирдің жартылай финалына шықты
Фаниль Рафиков реванш алдындағы көз арбасуда қарсыласымен қол алысқан жоқ