Александр Бублик Штутгарттағы ATP 250 турнирінің жартылай финалына шықты

Қазақстанның ерлер арасындағы жекелей сындағы бірінші ракеткасы Александр Бублик Германияның Штутгарт қаласында өтіп жатқан ATP 250 санатындағы турнирдің ширек финалында жеңіске жетті.

Әлемдік рейтингте 11-орында тұрған және жарыста үшінші нөмірмен тіркелген қазақстандық теннисші үшінші айналымда әлемнің 93-ракеткасы, франциялық Джованни Мпетши-Перрикармен кездесті.

Екі сетке созылған матчта Бублик 7:6 (7:5), 7:6 (7:3) есебімен жеңіске жетті.

Теннисшілер кортта 1 сағат 30 минут өткізді. Осы уақыт ішінде Александр 11 эйс жасап, үш мәрте қос қателікке жол берді.

Осылайша, қазақстандық спортшы турнирдің жартылай финалына жолдама алды. Келесі кезеңде ол италиялық Маттиа Беллуччи мен америкалық Тейлор Фритц арасындағы матчтың жеңімпазымен кездеседі.