Жібек Құламбаева Баотоудағы турнирдің жартылай финалына шықты
Жибек Куламбаева. Фото: Getty Images
Қазақстандық теннисші Жібек Құламбаева Баотоу қаласында өтіп жатқан ITF W50 турнирінің жұптық сынында жартылай финалға жолдама алды, деп хабарлайды Pin-UpSport.kz. Ол ресейлік Екатерина Рейнгольдпен бірге өнер көрсетуде.
Ширек финалда қазақстандық-ресейлік жұп Анастасия Золотарева мен Рада Золотареваға қарсы ойнады. Матч 59 минутқа созылып, Құламбаева мен Рейнгольдтің 6:0, 6:4 есебімен жеңісімен аяқталды.
Кездесу барысында жеңімпаздар ойын тізгінін толық өз қолында ұстап, алғашқы сетте қарсыластарына мүмкіндік бермеді. Екінші партияда да басымдықтарын сақтап, матчты жеңіспен қорытындылады.
Осылайша, Құламбаева мен Рейнгольд жартылай финалға шықты. Бұл кезеңде олар Жансгу Хан мен Эми Жу жұбына қарсы ойнайды. Жартылай финалдық кездесу 24 сәуірге жоспарланған. Турнирдің жүлде қоры 40 000 долларды құрайды.
Айбар Рысдаулет
Луиш Нани «Ақтөбедегі» алаң сапасына наразылық білдірді
Александр Бублик Мадридте Стефанос Циципаспен ойнайды