Михаил Кукушкин Мальоркадағы турнирмен қоштасты
Қазақстандық теннисші Михаил Кукушкин Мальоркада өтіп жатқан ATP 250 турнирінің іріктеу кезеңінде жарысты аяқтады, деп хабарлайды Pin-UpSport.kz. Тәжірибелі спортшы алғашқы матчында Босния және Герцеговина өкілі Дамир Джумхурға есе жіберді.
Іріктеу кезеңінің жартылай финалында Кукушкин әлемдік рейтингте 105-орында тұрған Джумхурмен кездесті. Матч 1 сағат 15 минутқа созылып, босниялық теннисшінің 6:2, 6:1 есебіндегі жеңісімен аяқталды.
Кездесу барысында қазақстандық теннисші бір брейк жасап, үш рет қос қателік жіберді. Ал оның қарсыласы үш эйс орындап, бес брейк-пойнтты сәтті пайдаланды. Осы нәтижеден кейін екі теннисшінің өзара кездесулеріндегі есеп Дамир Джумхурдың пайдасына 5:3 болды.
Айта кетейік, бұл Михаил Кукушкиннің кәсіби мансабындағы соңғы турнирлерінің бірі саналады. Бұған дейін 38 жастағы теннисші қазан айында Алматыда өтетін ATP 250 Almaty Open жарысынан кейін мансабын аяқтайтынын мәлімдеген еді. Сонымен қатар жуырда ол Испанияның Марбелья қаласында өзінің теннис академиясын ашты. Ал Дамир Джумхур турнирдің негізгі кезеңіне шығу үшін америкалық Закари Свайдамен кездеседі.
Айбар Рысдаулет
Қазақстандық киберспортшы IEM Cologne Major 2026 турнирінің финалына шықты
Қазақстан құрамасы каратэден Азия чемпионатында үздік үштікке енді