Абат Айымбетовтың «Петролул» клубындағы жалақысы туралы мәлімет жарияланды
Фото: PA Images
Eurasia.football порталы Қазақстан құрамасының шабуылшысы Абат Айымбетовтың румыниялық «Петролул» клубындағы ықтимал жалақысы туралы ақпарат жариялады, деп хабарлайды Pin-UpSport.kz.
Дереккөз мәліметінше, Румыния чемпионатындағы қаржылық көрсеткіштер Еуропаның бірқатар лигаларымен салыстырғанда төмендеу.
Жарияланған ақпаратқа сәйкес, Румыния біріншілігінің жетекші клубтары футболшыларға айына 30 мың еуроға дейін жалақы төлей алады. Орта деңгейдегі командалар, соның ішінде «Петролул», негізгі құрам ойыншыларына айына 10 мың еуро шамасында еңбекақы ұсынады. Клубтың 2024 жылғы ресми қаржылық есебінде операциялық кіріс көлемі шамамен 4,8 миллион еуро болғаны, ал қызметкерлерге жұмсалған жалпы шығын 4,2–4,3 миллион еуроны құрағаны көрсетілген. Оның 3,3–3,4 миллион еуросы ойыншылармен байланысты төлемдерге тиесілі.
Дереккөздің бағалауынша, негізгі құрам ойыншысы үшін ең жоғары мөлшерді есептегенде, Айымбетовтың айлық жалақысы шамамен 9 мың еуро болуы мүмкін. Бұған дейін ол Түркияның «Адана» клубында айына 35 мың АҚШ доллары көлемінде жалақы алған. Сонымен қатар қысқы трансфер кезеңінде қазақстандық клубтар тарапынан да ұқсас қаржылық ұсыныстар болғаны айтылады.
Соған қарамастан, Абат Айымбетов мансабын «Петролул» сапында жалғастыру жөнінде шешім қабылдады. Портал бұл таңдаудың тек қаржылық факторлармен шектелмегенін атап өтеді.
Айбар Рысдаулет
Қазақстан құрамасы Ұлттар лигасы 2026/27 маусымында 1,125 миллион еуро алады
Қазақстандық могулшылар Олимпиада-2026 жарысын аяқтады