Қазақстандық могулшылар Олимпиада-2026 жарысын аяқтады
Италияда өтіп жатқан қысқы Олимпиада-2026 ойындарында әйелдер арасындағы параллель могул бәсекесі ұйымдастырылды, деп хабарлайды Pin-UpSport.kz.
Бұл бағдарламада Қазақстан құрамасы сапынан Анастасия Городко, Юлия Галышева және Аяулым Амренова өнер көрсетті.
Турнирлік кестеде ең жоғары нәтижеге Анастасия Городко қол жеткізді. Ол 1/16 финалда Қытай өкілі Я Янды жеңіп, 1/8 финалда Франция спортшысы Камиль Кабролдан басым түсті. Ширек финалда қазақстандық спортшы АҚШ өкілі, Олимпиаданың екі дүркін жүлдегері Джейлин Кауфпен кездесті. Жарыс барысында Городко құлап қалып, жарысты осы кезеңде аяқтады.
Юлия Галышева алғашқы айналымда Оңтүстік Корея спортшысы Юн Шин Иді жеңіп өтті. Алайда 1/8 финалда 2025 жылғы әлем чемпионатының күміс жүлдегері жапониялық Хинако Томитакаға жол берді. Аяулым Амренова алғашқы кезеңде канадалық Джессика Линтонға есе жіберіп, жарыстан шығып қалды.
Осылайша, әйелдер құрамасы параллель могул бағдарламасы бойынша Олимпиададағы өнерін аяқтады. Алтын медальді австралиялық Джакара Энтони жеңіп алса, күміс жүлде Джейлин Кауфқа бұйырды. Қола медальді АҚШ өкілі Элизабет Лемли иеленді. 15 ақпанда ерлер арасындағы параллель могулда Қазақстан атынан Павел Колмаков сынға түседі.
Айбар Рысдаулет
Абат Айымбетовтың «Петролул» клубындағы жалақысы туралы мәлімет жарияланды
Михаил Шайдоров Олимпиададан кейін өзінің шыққан тегі туралы пікір білдірді