Роналду «Әл-Насрмен» келіссөзді тоқтатты
Фото: Getty Images
Криштиану Роналду «Әл-Насрмен» келісімшартты ұзарту жөніндегі келіссөздерді уақытша тоқтатты. Бұл туралы TeamTalk басылымы хабарлады. Жапонияның «Кавасаки Фронтале» командасынан жеңіліп, Азия чемпиондар лигасынан шығып қалғаннан кейін португалиялық шабуылшы болашағына қатысты күмәндана бастаған.
Клуб шабуылшыға 2026 жылға дейін созылатын келісімшарт пен 200 миллион еуро ұсынған. Алайда Роналду командадан нақты мақсат пен халықаралық аренада нәтижеге қол жеткізуге деген ұмтылыс көргісі келеді.
Қазіргі жасы 40-тағы футболшы тек ішкі біріншілікте емес, Азия чемпиондар лигасында да жүлдеге таласа алатын жобаның бір бөлігі болғысы келеді.
Биылғы маусымда Роналду 39 матчта 33 гол соғып, 4 нәтижелі пас берген. Қолданыстағы келісімі 2025 жылдың маусымында аяқталады. Оның қазіргі нарықтық құны – 12 миллион еуро.
Айбар Рысдаулет
ҚФФ Әли Әлиевке сенім артып, бас бапкер қызметіне тағайындады
«Астана» шабандозы «Джиро д’Италия» кезеңінде үздік ондыққа енді