ҚФФ Әли Әлиевке сенім артып, бас бапкер қызметіне тағайындады
Фото: PA Images via Getty Images
Қазақстан футбол федерациясы ұлттық және жасөспірімдер құрамаларындағы бірқатар жаңа тағайындаулар туралы хабарлады. Ең бастысы – бұған дейін уақытша бас бапкер болған Әли Әлиев енді ресми түрде Қазақстан құрамасының тізгінін ұстады.
Федерацияның баспасөз қызметі Геннадий Скуртулдің техникалық директор, ал Руслан Балтиевтің ұлттық құрамалар департаментінің директоры қызметіне кіріскенін растады. Бұл екеуінің тағайындалуы бұған дейін белгілі болған еді.
U21 құрамасын – Денис Мамонов, U19-ды – Кирилл Кекер, U17-ні – Бауыржан Сағындық жаттықтырады. Әйелдер құрамасын Мадияр Кембілов, 19 жасқа дейінгі қыздар командасын – Жанна Мальгаждарова, ал 17 жасқа дейінгілерін Юлия Мамонова баптайды.
Әли Әлиев футболшы ретінде «Қайрат», «Тобыл», «Ордабасы», «Қызылжар» сынды клубтарда және Түркияның бірнеше командасында өнер көрсеткен.
Айбар Рысдаулет
Астанада өтетін бокстан әлем кубогына негізгі құрам қатысады
Роналду «Әл-Насрмен» келіссөзді тоқтатты