Назым Қызайбай: Ұлттық құраманың капитаны ретінде үлкен жауапкершілік сезіндім
Назым Қызайбай
Сербияда өткен әйелдер арасындағы бокстан әлем чемпионатының жеңімпаздары мен жүлдегерлері Қазақстанға оралды. Алматы халықаралық әуежайында спортшыларды жақындары мен жанкүйерлері құшақ жая қарсы алып, гүл шоқтарын ұсынды.
Олимпиада-2024 қола жүлдегері, үш дүркін әлем чемпионы атанған Назым Қызайбай тарихи жеңісінен кейін әсерімен бөлісті.
«Өте қуаныштымын! Бәрі жоспарлағанымдай өтті. Бұл менің арманым еді, және мен оған жеттім. Әлем чемпионатында оңай қарсылас болмайды, бірақ менің салмағымда бәсекелестік 50 келідегі қыздарға қарағанда біршама төмендеу болды. Ұлттық құраманың капитаны ретінде үлкен жауапкершілік сезіндім, бірақ команда да өте жақсы дайындалды. Бұл жеңіс – бүкіл құраманың еңбегі», – деді Назым.
Сонымен қатар, ол Олимпиададан кейін көп демалмай, бір айдан соң қайта жаттығуға кіріскенін және үш дүркін әлем чемпионы атануды мақсат еткенін айтты.
Айбар Рысдаулет
Goal «Алтын доп 2025» жүлдесіне үміткерлер тізімін жариялады
Елдос Сметов Лос-Анджелес Олимпиадасына қатыса ма?