Елдос Сметов Лос-Анджелес Олимпиадасына қатыса ма?
Елдос Сметов
Париж-2024 Олимпиадасының чемпионы Елдос Сметов үлкен спорттан кетпейді. Бұл туралы оның жеке бапкері Ғалымжан Жылгелдиев мәлімдеді.
Қазір Елдос Лондонда, шет тілін үйреніп жүр, сонымен қатар жаттығуды тоқтатқан жоқ. Мамыр айында ол елге оралып, жаңа жарыстарға тыңғылықты дайындықты бастайды.
«Мен қазір Тараздамын, жас дзюдошыларды жаттықтырып жүрмін, ұлттық құрамада жоқпын. Бірақ Елдос мансабын жалғастыруды ұйғарған соң, мен де оның дайындығына толықтай көңіл бөлуге шешім қабылдадым. Ол Қазақстанға оралған соң, жаттығу қарқынын күшейтеді. Кейін алдағы жарыстарға қатысу мәселесін пысықтаймыз. Елдос 2028 жылғы Лос-Анджелес Олимпиадасында бақ сынап, тарихқа өз есімін жазғысы келеді, біз осы мақсатқа дайындаламыз», – деді Жылгелдиев Sportbugin.kz басылымына берген сұхбатында.
Сметов – барлық мүмкін титулды жеңіп алған тұңғыш қазақстандық дзюдошы. Ол 2015 жылғы әлем чемпионы, Азия чемпионы, 2014 жылғы Азия ойындарының жеңімпазы, Олимпиада чемпионы (2024), күміс жүлдегері (2016) және қола жүлдегері (2021).
Айбар Рысдаулет
Назым Қызайбай: Ұлттық құраманың капитаны ретінде үлкен жауапкершілік сезіндім
Бақтиер Зайнутдинов ұлттық құрамаға көмектесе алмайды