Жоау Феликс Роналдудан озып, Сауд Арабиясындағы маусымның үздік ойыншысы атанды
«Әл-Наср» клубының португалиялық футболшысы Жоау Феликс Сауд Арабиясы Про-лигасының маусымдағы үздік ойыншысы атанды, деп хабарлайды Pin-UpSport.kz. Оның командаласы Криштиану Роналду бұл марапатқа ие болмады.
Сауд Арабиясы чемпионатындағы алғашқы маусымында бұрынғы «Челси» және мадридтік «Атлетико» ойыншысы 33 матч өткізіп, 20 гол соғып, 14 нәтижелі пас берді.
Ал Криштиану Роналду да нәтижелі маусым өткізді. Португалиялық шабуылшы чемпионаттағы 30 кездесуде 28 гол соғып, үш ассист жасады. Үздік бомбардирлер тізімінде ол үшінші орын алды. Ал маусымның үздік сұрмергені атанған Хулиан Киньонес 33 гол соқты.
Маусымның үздік ойыншысынан бөлек, чемпионаттың басқа да лауреаттары белгілі болды. Үздік бапкер атағы Жорже Жезушке бұйырса, үздік қақпашы болып Эдуар Менди танылды.
«Әл-Наср» маусымды турнирлік кестенің бірінші орнында аяқтап, Сауд Арабиясы чемпионатының жеңімпазы атанды. Команда «Әл-Хиляльден» екі ұпайға озып кетті. Криштиану Роналду үшін бұл 2023 жылы клубқа ауысқалы бергі алғашқы чемпиондық болды.
Айбар Рысдаулет
Софья Самоделкина Мексикадағы мұз шоуына қатысады