Софья Самоделкина Мексикадағы мұз шоуына қатысады
Фото: НОК РК
Қазақстандық мәнерлеп сырғанаушы Софья Самоделкина «Passio Tour-2026» мұз шоуына қатысады, деп хабарлайды Pin-UpSport.kz. Шоу 2026 жылдың жазында Мексикада өтеді.
Милан Олимпиадасының қатысушысы шоуға арнайы шақырылған жұлдыз ретінде тіркелді. Мұздағы қойылым 4 шілде күні Сантьяго-де-Керетаро қаласында ұйымдастырылады. Іс-шараның ұйымдастырушысы — танымал мексикалық мәнерлеп сырғанаушы Донован Каррильо.
Ұйымдастырушылар анонста Самоделкинаның техника, артистік шеберлік пен харизманы үйлестіретін спортшы екенін және әлемдегі үздік мәнерлеп сырғанаушылар қатарына кіретінін атап өтті.
Софья Самоделкина Қазақстан әйелдер құрамасының көшбасшысы саналады. 2026 жылғы Милан Олимпиадасында ол оныншы орын алып, Қазақстан тарихындағы әйелдер арасындағы жекелей сырғанаудағы ең үздік олимпиадалық нәтижені көрсетті.
Сонымен қатар жарыс қорытындысында қазақстандық спортшы қысқа және еркін бағдарламаның қосындысы бойынша 207,46 ұпай жинап, жеке рекордын жаңартты.
Айбар Рысдаулет
Жоау Феликс Роналдудан озып, Сауд Арабиясындағы маусымның үздік ойыншысы атанды
Бауыржан Исламхан «Қайсарға» ауысуы мүмкін