Жанқош Тұраров аңыз боксшының залында жаттығуын бастады
Жанкош Тураров
Қазақстандық боксшы Жанқош Тұраров Лас-Вегастағы әйгілі боксшы Фернандо Варгас залында дайындықты бастады, деп хабарлайды Pin-UpSport.kz. Спортшы АҚШ-та өз командасымен бірге жаттығу жиынын өткізуде.
Қазақстандық боксшы әлеуметтік желіде Фернандо Варгастың ұлдары — Фернандо Варгас-кіші және Амадо Варгаспен бірге түскен суретін жариялады. Жазбасында ол ортақ мақсат туралы айтып, әке жолын жалғастырып келе жатқанын атап өтті.
«Фернандо Варгас отбасымен — бір мақсат. Ұлдары әкесінің жолын жалғастырып жатыр. Еңбек, тәртіп және чемпиондық рух», — деп жазды Тұраров.
Қазіргі уақытта Жанқош Тұраров АҚШ-та бапкері Сағатбек Мұсаханов және боксшы Балауса Мұздиманмен бірге жаттығып жатыр. Бұған дейін спортшы Америкаға Қазақстанның туын көтеру мақсатында келгенін айтқан еді. Фернандо Варгас «Қаһарлы» лақап атымен танымал, 1998 жылы 21 жасында IBF нұсқасы бойынша әлем чемпионы атанып, кейін бірінші орта салмақта бірнеше мәрте чемпиондық атаққа ие болған.
