Алимханұлының келесі қарсыласы Эрисланди Лара болмақ
Фото: Личный архив
Badlefthook.com басылымының журналисі Уилл Эсконың айтуынша, орта салмақта WBA белбеуін иеленген кубалық Эрисланди Лара қазақстандық қос чемпионы — WBO және IBF тұжырымдары бойынша әлем чемпионы Жәнібек Әлімханұлының ең танымал қарсыласы болмақ, деп хабарлайды Pin-UpSport.kz.
Жоспар бойынша, Әлімханұлы мен Лара арасындағы жекпе-жек 6 желтоқсанда АҚШ-тағы Сан-Антонио қаласында өтеді. Жәнібек соңғы рет сәуір айында шаршы алаңға шығып, Анауэль Нгамиссенгені бесінші раундта техникалық нокаутпен жеңген еді. Ал Лара соңғы кездесуін өткен жылдың қыркүйегінде өткізіп, америкалық Дэнни Гарсияны тоғызыншы раундта тоқтатқан болатын.
Уилл Эсконың пікірінше, 32 жастағы Әлімханұлы біраз уақыттан бері есімі әйгілі қарсылас іздеп жүрген. Енді 42 жастағы кубалық боксшымен кездесіп, өз деңгейін тағы бір мәрте дәлелдеуге мүмкіндік алады. Бұл жекпе-жектің жеңімпазы орта салмақтағы абсолют чемпиондыққа бір қадам жақындайды, себебі бұл салмақта басты белбеудің бірі әлі де Карлос Адаместің қолында.
Сондықтан алдағы айқас екі боксшы үшін де тарихи мәнге ие болмақ — жеңіс иесі орта салмақтағы барлық белбеуді біріктіруге бір табан жақындайды.
Айбар Рысдаулет
«Ақтөбенің» бас бапкері ҚПЛ-дың басқа клубына ауысуы мүмкін
Попко Линкольндегі турнирдің алғашқы матчына шықпады